الزعيم
الإدارة العليا
الدولة : : الجنس : تاريخ الميلاد : 15/03/1997 عدد المساهمات : 988 نقاط : 12696 العمر : 27 المزاج: : جيد جدااااااااااااااااااااااااااااااااااااا السٌّمعَة : 5007 تاريخ التسجيل : 02/05/2011
| موضوع: حكاااااااااياتي السبت يوليو 30, 2011 10:34 am | |
| [center]اليوم بدي أحكيلكم حكاية و انشالله بتعجبكم.......
كان يا مكان يا سادة يا كرام ومايطيب الحكي إلا بذكر النبي عليه الصلاة والسلام كان في يوم من الايام بزمن من الأزمان بوقت من الأوقات في رجال اسمو عماد عماد متزوج وعايش متهني ومبسوط , وفي يوم من الأيام قرب يجي شهر الصيام شهر رمضان قام عماد حمل حالو وراح يشتري مونة رمضان وراح على هالسوق لا خلى ولا بقى شي بقوليات شي خضروات شي لحوم شي مشروبات وياعيني على التمر هندي والمكسرات , وجاب هالغراض على البيت وحطهم بغرفة الخزين اجت مرتو الفالحه اللي طبختها مالحه وسألتو : يييييي لشووو كل هاد لمييين ؟؟؟ حكالها هادا لرمضاااان ,حكتلو يوووه لرمضااان ؟؟ حكالها آآه راحت الايام واجت الايام وصحيت مرتو من النوم وهو طلع على شغلو وهي عم بتكنس وبتنضف سمعت صوت اشي بيرن كإنو هادا صوت رمضان اللي بيشتري الاغراض المستخدمة وبلف بالكارة مع حماره على البيوت هي بس سمعت صووتو صارت تنادي عليه : يا رمضاااان يا رمضاااان , قام حكالها خير بدك شي ؟؟ حكتلوو يا رمضااان تعااال خود شغلك , حكالها شغل ايش ؟؟ حكتلو انت بس ادخل. دخل رمضان على البيت وفتحتلو غرفة الخزين وحكتلو حمل يا رمضان حمل ,جوزي حكالي هدول الك , حمل خليني اكنس وانضف الغرفة هالغراض قاعدين على قلبي رمضان خف عقلو من الفرحة وصار يحمل ويدعيلها ولجوزها , وطلع من البيت ورجع جوزها , بتحكيلووو اسكتتت مش اعطيت رمضااان شغلووو , حكالها شغل ايش ولك ؟؟ حكتلو اجا رمضان ابو كارة وخليتو يحمل اغرااضو جوزها صار يلطم بالشقلوووب وحكالها روحي على دار اهلك بديش اشوف وشك | |
|